| حوار جااامد مع مواطن مصرى بسيط | |
|
+11Milano sandy perence on line kiko ronyyyy DARK SAW darklove cristiano ronaldo abdo totaa mahmoud hedaya 15 مشترك |
كاتب الموضوع | رسالة |
---|
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: حوار جااامد مع مواطن مصرى بسيط الأحد نوفمبر 08, 2009 7:36 pm | |
| بلال فضل مواطن مصرى بسيط من السكان الأصليين لمصر، كان عائدا من عمله بالمعادى ماشيا إلى مقر إقامته ببولاق أبو العلا، توفيرا لنصف جنيه ثمن الأتوبيس، وحين مر من أمام التليفزيون لفحه هواء التكييف، فوقف قليلا، حتى يجفف عرقه، وكان يفتح فمه للهواء البارد حتى يروى عطشه.
خرج أحد معدى البرامج فاصطاده، وقال له: «اتفضل جوه»، فتفضل جوه وهو غير مصدق أن يدخل التليفزيون الذى لا يراه إلا فى التليفزيون. دخل الاستوديو، وانهار تماما حين لمح ساقى المذيعة من الجيبة القصيرة، ركبوا له الميكرفون، وأجلسوه على الكرسى أمام المذيعة. ثم بدأ البرنامج.
المذيعة أمام الكاميرا: من آلاف الاتصالات اللى جت للبرنامج، اخترنا المواطن بلال فضل عشان يشترك معانا . قاطعها قائلا : ممكن أعفر سيجارة ؟
المذيعة من غير الكاميرا: ستوب، ممنوع التدخين يا أخ بلال، إنت هنا فى استوديو، لو سمحت إحنا هنبدأ، وإنت هتطلع فى التليفزيون، لازم تطلع بشكل كويس، وكمان شيل عينك من على رجلى وإحنا بنسجل، بلاش فضايح، لما نخلص إبقى بص براحتك.
المذيعة أمام الكاميرا: زى ما انتوا عارفين فكرة برنامجنا قايمة على إننا بنسأل أحد المواطنين فى المعلومات العامة، وبنختلف عن كل البرامج فى إن الضيف، سواء جاوب صح أو غلط بيكسب جايزتنا، والمرة دى الجايزة عبارة عن موسوعة: ما تقلش إيه إدتنا مصر، اللى بتلخص إنجازات الحزب الوطنى فى مصر، فى طباعة فاخرة، وغلاف سميك، وهى مكونة من 75 مجلدا، والبرنامج بيوصلها للفايز لحد البيت.
جاهز يا أخ بلال ؟ ممكن تعرف المشاهدين بنفسك؟ محسوبك بلال محمد فضل، ده الاسم اللى فى «البوتاءه»، بس فى «المنتئة» بيقولوا لى يا أشرف، عشان كان ليا أخ اسمه أشرف بيلعب فى الشارع وهو عيل زبلة كده، ولا مؤاخذة، مسكت فيه الكهربا بتاعة عمود النور مات طوّالى، ومن ساعتها بقى الناس بيقولوا لى يا أشرف، عشان أمى ما تعرفش إنه مات، ومش عايزين نزعلها عشان عيانة.
بتشتغل إيه يا بلال ؟ اتكلم بصراحة. بصراحة أنا باشتغل فى مصنع لبن، فى ستة أكتوبر، عارفاها سيادتك، اللى هى زى العاشر من رمضان بس ورا الجيزة، وديكهه ورا المطار.
بتشتغل إيه فى مصنع الألبان وياريت تتكلم بصراحة ؟ طالما قلتى نتكلم بصراحة، هاقول لسعادتك، لما بيكون فى لبن شاكين إنه باظ، بيديهونى أشربه عشان يتأكدوا ينزلوه السوق ولا لأ، هى شغلانة تموع النفس، بس مكسبها حلو، باخد 280 جنيه.
بس ؟ ماتنسيش إن اللبن اللى باشربه ببلاش، دى فى ناس فى الحتة بتاعتنا بتحلم بالشغلانة دى.
معقولة بتعيش بـ280 جنيه بس فى الشهر ؟ إنتى مش شايفانى باتنفس قدامك أهوه أبقى عايش ولا مش عايش، وبعدين طالما قلتى بصراحة، أنا باشتغل بالليل فى قهوة جنب البيت.
بتشتغل إيه فى القهوة ؟ صاحبها بيبعتنى طريق السويس أجيب له مخدرات عشان ينزلها فى الشيَش .
المذيعة من غير الكاميرا : إنت بتقول إيه يا أخ انت، ستوب، إيه الكلام ده، وقلت لك 100 مرة ما تبصش على رجلى، إنت بتهزر فى الكلام ده طبعا ؟ هههه ، طبعا ياست هانم ، هو أنا غبى عشان أعترف ؟ ده الراجل فاتح بيتى .
المذيعة أمام الكاميرا : بتشتغل إيه فى القهوة ؟ باعرق فى الشاى عشان يبقى شاى بلبن، ما أنا بابقى شارب لبن طول النهار، إيه رأيك فى الإجابة دى؟ صايعة مش كده ؟
إنتا متجوز يا أشرف ، قصدى يا بلال ؟ هو أنا كنت عايز أتجوز، بس أمى قالت لى مايصحش لازم أخوك أشرف يتجوز الأول، فجوزتنى على أساس إنى أشرف، وأنا وافقت عشان ما أزعلهاش، مش أنا قلت لك إنها عيانة ؟
قلت لى ، ألف سلامة عليها ، عندك أولاد ؟ لحد مانزلت النهارده من البيت كان عندى أربع عيال خلفتهم لأشرف الله يرحمه، بس ما أعرفش هالاقيهم لما أروح ولا لأ، عشان العيال عندنا فى «المنتئة» مابتعيشّى كتير .
(مندهشة) غريبة قوى، يعنى إنت عايش مع مامتك ومرات أخوك اللى هى مراتك وعياله اللى هما عيالك ؟ (يقاطعها) ده غير أبويا اللى مشلول من عشر سنين عشان الماكنة كلت رجليه فى المصنع اللى كان شغال فيه ومارضيوش يدوا له تعويض ، لإن المفروض إننا صعايدة وعيب نقبل العوض ، ده غير أم مرات أشرف ، وأبو مرات أشرف بس هو تايه بقى له فترة ومارضيناش ندور عليه عشان أكلته جامدة وبيعمل حاجات وحشة بعد الأكل .
فهمت فهمت ، بس اللى مش فاهماه إزاى بتقدر تصرف الـ280 جنيه على الأسرة دى كلها طول الشهر ؟ يعنى إيه أسرة ؟
العيلة بتاعتك ، بتصرف إزاى عليهم كلهم 280 جنيه فى الشهر ؟ يعنى إيه شهر ؟
(تبدو ملامح الغضب على وجه المذيعة) إيه قفشتى ليه يا آنسة ؟ باهزر معاكى، «ما تتعسبيش»، والله أهو ربنا ساترها معانا، أصلنا مابندفعش إيجار عشان صاحب البيت مات، جت له أنفلونزا بتاعة الفراخ، عشان كانت أمى مربية فراخ فى السطوح، بس الفراخ لسه عايشة .
الحمد لله ، طب تنصح الشباب اللى فى سنك بإيه ؟ لو ليك أخ اسمه أشرف ومات قول لأمك ، حتى لو كانت عيانة وزعلت ، وإن كان على أمك اطمن ، مش هتموت إلا لما يخلص أجلها .
المذيعة أمام الكاميرا : دلوقتى بعد ما اتعرفنا على أشرف، قصدى بلال، قصدى أشرف وبلال، هندخل على فقرة أسئلة المعلومات العامة .
هل تعرف ماركة القبقاب الذى استخدمته شجرة الدر لقتل زوجها ؟ أنا الشجرة الوحيدة اللى أعرفها ولا مؤاخذة ، هى شجرة البانجو، شجرة الدر دى عمرى ماسمعت عنها ، بس لو كانت قتلت جوزها فعلا بالقبقاب تبقى ست واطية وتستاهل الحرق ، لإن دى موتة «عينيفة»، مافيش أحسن من إن الست تقتل جوزها بسم الفيران عشان يموت على فرشته .
ما هى عجائب الدنيا السبع ؟ هه ؟، أيوه أنا عارفه السبع اللى هو بتاع «جونينة الكلمة ممنوعة من قبل الادارةات».
يا حضرة المواطن، أنا قصدى الدنيا ؟ أيوه فاهمك ، الدنيا اللى إحنا عايشين فيها دى .
أيوه ، الدنيا دى بقى فيها سبع عجايب ، إيه هما ؟ والله يا آنسة، جايز الدنيا بتاعتكو فيها سبع عجايب بس ، أنا الدنيا اللى أنا عايش فيها كلها عجايب ، المطرح اللى أنا قاعد فيه عجيبة مثلا ، طالع له «كرار إزالة» من ييجى عشرين سنة ، ولسه واقف على حيله ، الميه اللى بنشربها برضه عجيبة فى مخلوقات ساكنه فيها ، سبحان الله ، العيش اللى بناكله عجيبة من عجايب الدنيا ، لو لقيتيه فى الفرن من غير ما تتخانقى وتقلى أدبك وتتغابى على البشرية ، وجيتى تفرديه على الكنبة ولا مؤاخذة زى أى عيش فى الدنيا، تلاقيه إزرقّ ، لازم تاكليه أول ماتجيبيه من غير فرد على الكنبة، حتى لو ماكانش الغدا خلص ، ماحدش ضامن اللى ممكن يحصل، مرات أشرف دى ذات نفسيها من عجايب الدنيا ، لو شفتيها من ورا لا مؤاخذة كإنك شفتيها من قدام أو من الجناب، زى مابقول لحضرتك ، استخدامها عملى زى ما بيقولوا ، أمها برضك عجيبة ، لما بتستحمى ريحتها بتبقى أوحش من قبل الحموم، الموضوع ده كان عامل مشاكل جامدة عشان هى قاعدة معانا فى المطرح ، وأنا خفت العيال يلقطوا الريحة وحد يقولهم يامعفنين فيتعقدوا زيى ومستقبلهم يبوظ، رحنا حللنا لها ، طلع عندها البتاع اللى ماشى فى البلد اليومين دول ، اللى اسمه التيفول .
قصدك التيفود ؟ طالما مرض مش هيفرق الاسم ، أكمل لك بقى العجايب بتاعة الدنيا بتاعتي .
لا بلاش، أنا آسفة أنا كنت أقصد عجايب الدنيا السبعة بتاعتنا ، زى الأهرامات وحدائق بابل وبرج بيزا المايل . أموت وآكلها البيزا دى ، أنا كنت فاكرها فى الأول كلمة قبيحة ، اللى هى لا مؤاخذة بتتقال على الـ...، ولا بلاش أفسر ، طول اليوم أسمع الناس تقول جبت بيزا ، عايز بيزا ، تاخد بيزا ، طلعت فى الآخر فطير .
خلاص ، خلاص ، السؤال التانى ما الفرق بين سور الصين العظيم وسور مجرى العيون ؟ سور مجرى العيون فى تحتيه لجنة بيقف عليها أمين شرطة مايعرفش أمه ، لو عديت عليه بالليل من غير بطاقة ، فيها خمساية على الأقل عشان تعرف تروح . بس ما أعرفش إذا كان فى لجنة تحت سور الصين ولا لأ .
كم تبلغ نسبة أطفال الشوارع الذين يشدون الكُلّة مقارنة بالذين لا يشدونها ؟ وهو فى حد لاقى الكُلّة دلوقتى يا آنسة ؟ فين أيام ما الكلة دى كانت برخص التراب ، دلوقتى من ساعة المدن اللى بيبنوها للجماعة الأغنياء فى «السحرا» ، والحديد غلى والأسمنت غلى والكلة غليت، ده حتى اللى بيبيعوا الكلة دلوقتى بيغشوها ، عشان كده عيال الشوارع بقت بلطجية وقتالين قتله، مش عشان الكلة زى ما الناس فاهمة ، عشان الكلة بقت مغشوشة، ماعادش فى ضمير ياست هان م، مع إن الكلة دى ممكن تحل مشاكل البلد كلها .
خلاص خلاص ، السؤال اللى بعده فى أى عصر من العصور ظهرت أغنية : لا هيدينى ولا يرقينى ولا فيه مصلحة بينه وبينى ؟ أيوه أنا عارفها الغنوة دى مش دى بتاعة، كنا فى زنقة وعوزة وخنقة وديوننا تكتيفة وشنقة ، رسم الخطة محطة محطة ، خد نصها والباقى وراه ، بس الصراحة أنا ما أعرفش طلعت فى أى عصر ، عشان أنا العصر باقيل شوية عشان أنزل أشتغل فى القهوة بالليل .
لماذا يطلق على مترو الأنفاق اسم الهرم الرابع ؟ والله أنا باسمع عن موضوع المترو ده بس عمرى ماركبته عشان باسمع إن التذكرة بتاعته بجنيه ، وأنا أمى حلفت عليا لو ركبت مواصلة بأكتر من نص جنيه هتدعى عليا ساعة السحور إن ربنا يفقرنى ويغور النعمة من وشى ، بس يعنى يمكن سموه الهرم الرابع عشان فيه سلالم كتير زى الهرم .
من صاحب كتاب الموتى ؟ ولماذا أسماه بهذا الاسم ؟ أيوه عارفه عم بسيونى اللى ماسك مكتب الصحة عشان هو اللى مطلع شهادة الوفاة بتاعت أشرف وقيده فى الكتاب بتاع الموتى ، هو بيسميه دفتر ، بس زى بعضه ، أنا ماشى بشهادة الوفاة فى البطاقة عشان لو أشرف طلع عليه نصيبة ما ألبسهاش أنا.
كم عدد أحجار الهرم الأكبر ؟ معلهش أنا عمرى مارحته، باتفرج عليه فى الغنوة بتاعة الست وردة والحاج محمود ياسين ، عارفه الغنوة دى ، اللى الست وردة بتغنى ويطلع الحاج محمود يقول لها كلام بالنحوى ، بس عهد مين ده ، لو خدتينى أنا والولية والعيال وظبطتونا، يعنى غدا ومشاريب ، وركبتونا التوك توك اللى هو بتاع السياحة ده اللى بيوقفوه تحت الهرم ، علىّ الطلاق ما أروحهم إلا لما يعدوه لسيادتك حجر حجر . طالما الموضوع ده فارق معاكى يعنى .
اذكر أسماء أصابع الإنسان ؟ الصباع اللى بتعمل بيه أوكيه بعد مابتكسب جنيه دهب فى البرنامج بتاع طارق باشا علام ، والصباع اللى بتلعب بيه فى مناخيرك لما المواصلات بتبقى واقفة ، والصباع الطويل ده بس مش هينفع أقول اسمه دلوقتى ، والصباع اللى بنلقح فيه الدبلة ، والصباع الصغير اللى بتنضف بيه ودانك .
المذيعة من غير الكاميرا : إيه القرف ده ؟ (تخبط على صدرها بيديها متغاظة) شيل لى كل ده فى المونتاج ياعزت ؟ هو عزت هيشيل إيه بالضبط ؟ مش حرام ؟ ده إنتى كده زى القمر .
إنتا بتتكلم عن إيه ؟ أصل أنا أسمع إن الستات الأغنياء اللى زى سعادتك يعنى، ربنا يزيدك، بيشيلوا حاجات وكده يعنى، فباقول إنتى كده تمام، ده إنتى لو دخلتى عندنا المنطقة مش هتطلعى منها، بس إنتى هتدخليها إزاى؟ إذا كانت المية مادخلتهاش ، هتدخليها إنتى ؟
السؤال اللى بعده ، ما هو الفرق بين محور أكتوبر ومحور الشر ؟ محور الشر ممكن تلاقيه رايق ، إنما محور أكتوبر لا يمكن تلاقيه رايق أبدا .
برافو عليك ، إنت طلعت عارف محور الشر ؟ أمال ، مش قصدك الدائرى ؟ أصل بتوع الميكروباصات بيطلعوا منه لما بيبقى فى كمين ع المحور .
وهما إزاى بيعرفوا إن فى كمين ، وهو كمين ؟ ما هو الكمين عندنا لازم يفضل فى المكان بتاعه على طول ، عشان فيه رزق للناس اللى واقفة عليه .
أنا مش فاهمه حاجة ، المهم قول لى ، لو لم تكن مصريا لوددت أن تكون إيه بالظبط ؟ بصراحة طول عمرى نفسى آخد شقة فى العمرانية الغربية ، قريبة من كل حتة ، وممكن تروحيها مشى من ميدان الجيزة ، وبيقولوا إن المجارى دخلتها ، بس مش متأكد خرجت منها ولا لسه فيها .
أنا أقصد ممكن تسيب مصر وتروح بلد تانية ؟ ليه يعنى ؟ وهيا مصر أذتنى فى حاجة ؟ أنا الحمد لله ماشفتش منها حاجة لا وحشة ولا حلوة .
طب تقدر تقول لى فى جملة واحدة مصر بتمثلك إيه ؟ مصر معزتها من معزّة أشرف الله يرحمه . | |
|
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الخميس نوفمبر 12, 2009 1:51 pm | |
| gameeel gdn bgd a7la tobic fe elmontada bgd | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس نوفمبر 12, 2009 2:09 pm | |
| شكرا يا توتا بس مش اوى كده | |
|
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الخميس نوفمبر 12, 2009 3:38 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس نوفمبر 12, 2009 3:49 pm | |
| شكرا ليكى وعلفكرة هم البنات اللى مبوظين البلد | |
|
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الخميس نوفمبر 12, 2009 4:08 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس نوفمبر 12, 2009 4:12 pm | |
| احنا ايه ؟ احنا اللى مخلين البلد دى اسمها مصر | |
|
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الخميس نوفمبر 12, 2009 6:36 pm | |
| امشى البنات متفوقين على الولاد فى كل حاااجة | |
|
| |
cristiano ronaldo abdo صاحب بيت
عدد المساهمات : 154 تاريخ التسجيل : 05/11/2009 الموقع : زفت
| موضوع: رد: حوار جااامد مع مواطن مصرى بسيط الجمعة نوفمبر 13, 2009 7:30 am | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الجمعة نوفمبر 13, 2009 2:08 pm | |
| ايوه مش فى كل حاجة الولاد احسن برده | |
|
| |
darklove سلماوي ابن ناس
عدد المساهمات : 218 تاريخ التسجيل : 12/11/2009 العمر : 29 الموقع : cairo
| موضوع: رد: حوار جااامد مع مواطن مصرى بسيط السبت نوفمبر 14, 2009 9:02 pm | |
| على فك ر حلو اوى بس فعلن البنات مبوظين البلد | |
|
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الأحد نوفمبر 15, 2009 5:58 am | |
| بس بأه انا مش هرد عليكو عشان انا واثقة من اللى بقولوا برضو هه | |
|
| |
DARK SAW سلماوي لية مستقبل
عدد المساهمات : 118 تاريخ التسجيل : 13/11/2009 العمر : 29 الموقع : القاهرة
| موضوع: رد: حوار جااامد مع مواطن مصرى بسيط الأحد نوفمبر 15, 2009 11:40 am | |
| لا انتى كدة غلطنة الولد جامدين اوى | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الأحد نوفمبر 15, 2009 1:07 pm | |
| ايوه كده يا حمدى انت ووليد خلاص بقى اعترفى يا توتا | |
|
| |
darklove سلماوي ابن ناس
عدد المساهمات : 218 تاريخ التسجيل : 12/11/2009 العمر : 29 الموقع : cairo
| موضوع: رد: حوار جااامد مع مواطن مصرى بسيط الأحد نوفمبر 15, 2009 6:53 pm | |
| بلا ش تجادلي يا توته الصبيان احلي | |
|
| |
darklove سلماوي ابن ناس
عدد المساهمات : 218 تاريخ التسجيل : 12/11/2009 العمر : 29 الموقع : cairo
| موضوع: رد: حوار جااامد مع مواطن مصرى بسيط الأحد نوفمبر 15, 2009 6:54 pm | |
| | |
|
| |
ronyyyy سلماوي مالي مركزة
عدد المساهمات : 485 تاريخ التسجيل : 11/11/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الأحد نوفمبر 15, 2009 7:27 pm | |
| حلو جدااااااااااااااااااااااااااااااااااااااااااااااااااا | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| |
| |
totaa مشرف
عدد المساهمات : 516 تاريخ التسجيل : 19/07/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الإثنين نوفمبر 16, 2009 10:34 pm | |
| لا احلى ميين بس اسكتوا اسكتوا | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الثلاثاء نوفمبر 17, 2009 7:21 am | |
| يا جماعة علفكرة انتوا سبتوا الموضوع خالص قولولى رايكوا فى الموضوع | |
|
| |
kiko مدير و مؤسس المنتدي
عدد المساهمات : 1064 تاريخ التسجيل : 25/06/2009 العمر : 35
| موضوع: رد: حوار جااامد مع مواطن مصرى بسيط الثلاثاء نوفمبر 17, 2009 7:07 pm | |
| توبيك جميل بس هيثير الفتنة ههههههه | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الأربعاء نوفمبر 18, 2009 3:41 pm | |
| شكرا على ردك يا كيمو بس ليه كده ؟؟ | |
|
| |
ronyyyy سلماوي مالي مركزة
عدد المساهمات : 485 تاريخ التسجيل : 11/11/2009 العمر : 28 الموقع : cairo
| موضوع: رد: حوار جااامد مع مواطن مصرى بسيط الجمعة نوفمبر 20, 2009 8:09 am | |
| بس باه انتوا لسه بتتكلموا فو مين الاحسن اسكتوا و مش تصدعونى | |
|
| |
on line سلماوي معروف
عدد المساهمات : 164 تاريخ التسجيل : 19/11/2009
| موضوع: رد: حوار جااامد مع مواطن مصرى بسيط الجمعة نوفمبر 20, 2009 10:49 am | |
| | |
|
| |
perence سلماوي مالي مركزة
عدد المساهمات : 520 تاريخ التسجيل : 29/10/2009 العمر : 28
| موضوع: رد: حوار جااامد مع مواطن مصرى بسيط السبت نوفمبر 21, 2009 6:53 am | |
| | |
|
| |
perence سلماوي مالي مركزة
عدد المساهمات : 520 تاريخ التسجيل : 29/10/2009 العمر : 28
| موضوع: رد: حوار جااامد مع مواطن مصرى بسيط السبت نوفمبر 21, 2009 6:53 am | |
| tab3n msr esmha msr 3alashana | |
|
| |
perence سلماوي مالي مركزة
عدد المساهمات : 520 تاريخ التسجيل : 29/10/2009 العمر : 28
| موضوع: رد: حوار جااامد مع مواطن مصرى بسيط السبت نوفمبر 21, 2009 6:55 am | |
| | |
|
| |
on line سلماوي معروف
عدد المساهمات : 164 تاريخ التسجيل : 19/11/2009
| موضوع: رد: حوار جااامد مع مواطن مصرى بسيط السبت نوفمبر 21, 2009 5:11 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط السبت نوفمبر 21, 2009 6:05 pm | |
| | |
|
| |
on line سلماوي معروف
عدد المساهمات : 164 تاريخ التسجيل : 19/11/2009
| موضوع: رد: حوار جااامد مع مواطن مصرى بسيط الأحد نوفمبر 22, 2009 5:46 am | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الأحد نوفمبر 22, 2009 2:04 pm | |
| | |
|
| |
on line سلماوي معروف
عدد المساهمات : 164 تاريخ التسجيل : 19/11/2009
| موضوع: رد: حوار جااامد مع مواطن مصرى بسيط الأحد نوفمبر 22, 2009 2:39 pm | |
| | |
|
| |
cristiano ronaldo abdo صاحب بيت
عدد المساهمات : 154 تاريخ التسجيل : 05/11/2009 الموقع : زفت
| موضوع: رد: حوار جااامد مع مواطن مصرى بسيط الثلاثاء نوفمبر 24, 2009 10:08 pm | |
| الولاد احسن | |
|
| |
sandy سلماوي شد حيلة شوية
عدد المساهمات : 61 تاريخ التسجيل : 20/11/2009 العمر : 28 الموقع : القاهرة
| موضوع: رد: حوار جااامد مع مواطن مصرى بسيط الثلاثاء نوفمبر 24, 2009 10:48 pm | |
| | |
|
| |
Milano سلماوي مالي مركزة
عدد المساهمات : 446 تاريخ التسجيل : 31/10/2009 العمر : 29
| موضوع: رد: حوار جااامد مع مواطن مصرى بسيط الثلاثاء نوفمبر 24, 2009 11:54 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الأربعاء نوفمبر 25, 2009 9:15 am | |
| شكرا يا مريم وشكرا ليك يا بيسو يا جامد | |
|
| |
ahmed hamdy سلماوي لية مستقبل
عدد المساهمات : 101 تاريخ التسجيل : 29/10/2009 العمر : 29 الموقع : ادام الكمبيوتر بتاعي
| موضوع: رد: حوار جااامد مع مواطن مصرى بسيط الأربعاء نوفمبر 25, 2009 12:52 pm | |
| بجد موضوع جاااااااااااااااامد جدااااااااااا | |
|
| |
darklove سلماوي ابن ناس
عدد المساهمات : 218 تاريخ التسجيل : 12/11/2009 العمر : 29 الموقع : cairo
| موضوع: رد: حوار جااامد مع مواطن مصرى بسيط الأربعاء نوفمبر 25, 2009 6:35 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس نوفمبر 26, 2009 8:14 am | |
| مخمود هه ماشى ماشى اما اشوفك يا وليد | |
|
| |
محمود شعيب صاحب بيت
عدد المساهمات : 3 تاريخ التسجيل : 05/11/2009
| موضوع: رد: حوار جااامد مع مواطن مصرى بسيط الخميس نوفمبر 26, 2009 9:21 am | |
| بصراحة بدون محد يزعل الولاد احلي بكتيييييييييييييييييييييييييييييير جدا دالبنات خربه البلد انزل مصر الجديدة وشوف وعلعموم شكرا علي الموضوع الجامد ده يا هداية وابعد احمد حمدي عن سكتي علشان مضربوش هههههههههههههههههههههههههههههههههههههههههههههههه | |
|
| |
Khaled Assem سلماوي اسبيشيل
عدد المساهمات : 341 تاريخ التسجيل : 15/11/2009 العمر : 29 الموقع : القاهرة
| موضوع: رد: حوار جااامد مع مواطن مصرى بسيط الخميس نوفمبر 26, 2009 12:36 pm | |
| | |
|
| |
Khaled Assem سلماوي اسبيشيل
عدد المساهمات : 341 تاريخ التسجيل : 15/11/2009 العمر : 29 الموقع : القاهرة
| موضوع: رد: حوار جااامد مع مواطن مصرى بسيط الخميس نوفمبر 26, 2009 12:38 pm | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس ديسمبر 03, 2009 4:39 pm | |
| انا قولتله والله يا شعيب وححذرته كذا مره بس مافيش فايده عايز يضرب برده هههههههههههههههه مشكور يا خالد | |
|
| |
ايناس سلماوي معروف
عدد المساهمات : 153 تاريخ التسجيل : 13/11/2009 العمر : 28
| موضوع: رد: حوار جااامد مع مواطن مصرى بسيط الخميس ديسمبر 03, 2009 5:53 pm | |
| ههههههههههه جميل جدااااااااا يا محمود | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الخميس ديسمبر 03, 2009 5:58 pm | |
| شكرا ليكى يا ايناس وردك بينور الموضوع والله مشكوره مره تانية | |
|
| |
ايناس سلماوي معروف
عدد المساهمات : 153 تاريخ التسجيل : 13/11/2009 العمر : 28
| موضوع: رد: حوار جااامد مع مواطن مصرى بسيط الخميس ديسمبر 03, 2009 6:03 pm | |
| شكرا ده بس من ذوقك بعدين شكرا ليك انت انت اللي كاتب الموضوع | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط الجمعة ديسمبر 04, 2009 10:09 pm | |
| ماشى يا ايناس | |
|
| |
Milano سلماوي مالي مركزة
عدد المساهمات : 446 تاريخ التسجيل : 31/10/2009 العمر : 29
| موضوع: رد: حوار جااامد مع مواطن مصرى بسيط الجمعة ديسمبر 04, 2009 10:17 pm | |
| شكرا على الموضوع يا هداية | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط السبت ديسمبر 05, 2009 8:11 am | |
| | |
|
| |
mahmoud hedaya مرشح للأدارة
عدد المساهمات : 956 تاريخ التسجيل : 01/11/2009 العمر : 29
| موضوع: رد: حوار جااامد مع مواطن مصرى بسيط السبت ديسمبر 05, 2009 8:12 am | |
| | |
|
| |
| حوار جااامد مع مواطن مصرى بسيط | |
|