هل انت مع او ضد

موضوع: هل انت مع او ضد الأحد أغسطس 01, 2010 8:00 pm

بسم الله الرحمن الرحيم

هل أنت...........(مع).... أو (ضد)؟؟؟!!!
فيه موضوع نقاش (يفيد) الجميع وحبيت تشاركوني فيه ,,
وفكرته كاااا الآتي ,,

كل عضو(ة) يطرح سؤال بحيث تكون الصيغه ... هل أنت (مع) أو (ضد) (أي شي معين)؟
مع السبب ! ! لماذا؟!
واللي بعده يجاوب ,, ويكتب سؤال ؟!
اتمنى ان تكون الفكره واضحه
انا هبداء
هل انت مع او ضد الصداقه بين الشاب والفتاه

ههههههههه لا بصراحة انا شايف انها حاجة كويسة مفيش مشاكل خصوصا لما يبقوا لسة صغيرين يعني هي بنت وهو ولد فلازم حدود العلاقة متخرجش عن حدود الصداقة في الوقت دة ومش هنقول حرام في الاسلام هو طبعا حرام بس الزمن الي احنا فيه عادي يعني علشان كدة هتكون صداقة بس فهيا احترام بين الطرفين وحسن التعامل وخوف علي بعض وتعامل اخوي وبكدة اعتقد مش هتكون حرام اووي المهم مش يبقي فيها امتداد اكتر من كدة

وسؤالي الجي هل انت مع او ضد فكرة فصل المدرسة بنات لوحدهم واولاد لوحدهم ؟؟

انا مش معارضه
لان بيكون فيه حماس بين الطرفين مين الى هيتفوق على التانى
كده بيبقى فيه منافسه على المذاكره
هيترتب عليه التفوق
و سؤالى هو
اية هو اكتر شئ بتزعل منة

ههههه اكتر حاجة بزعل منها او مش بحبها هي ان حد يصحيني من النوم بكدرة هههه

سؤالي هل انت مع أو ضد اللي بيحصل في فلسطين والعراق
ولماذا ؟
ومعلش هضيف سؤال من عندي
وعملت ايه ليهم لو كنت ضد ؟!!

اكيد ضدد
بسبب كثره الموتى وضحاياهم
بسم الله الرحمن الرحيم
ومن قتل نفس بغير نفس وكانه قتل الناس اجمعين
صدق الله العظيم
هو مفيش حاجه باديا اعملها دلوقتى

لا طبعا انا ضدها بس انا مش بأيدي حاجة اعملها يعني انا ولا رئيس جمهورية ولا منصب كبير وحتي دلوقتي رئيس الجمهورية بقي رأيه مش بيتاخد بيه والناس افتكروا كدة ايام السادات وكدة اتحيلنا عليهم علشان انهم يفقوا معانا في اتفاقيه الصلح الي اتعملت ... هما اتمردوا واتهمونا اننا خونا وخاينين وكدة مع ان المفروض في بعض المواقف احكم عقلي كويس واخد خصمي زي ما بيقولوا علي حجري فخلاص بقي هما الي عملوا في نفسهم كدة رأيي انهم بقي يستحملوا مع كامل طبعا التعاطف والحزن والحب والود والاحترام ليهم ويارب ربنا يفك كربتهم لاننا كلنا عرب في الاول وفي الاخر ولكنا مسلمين

يلا بقي فككوا بقي من السياسة علشان منروحش كلابوش خلونا في حلنا بليز وسؤالي هو

هل انت مع او ضد ممممم التعصب في الرياضة

ضد التعصب في الرياضة
عشان صعب اوي ان ناس تموت او تتجرح جامد بسبب رياضة
يعني لازم يكون عندنا روح رياضية , أي لعبة فيها فوز وخسارة
ديه الحياة نفسها فيها فوز وخسارة .

بس اسمحولي أقولكوا أن في ايدينا حاجات نقدر نعملها عشان الفلسطينين والبلاد المحتلة :
ممكن نقاطع المنتجات الاسرائيلية والمنتجات الامريكية , فامريكا بتساعد اسرائيل بالسلاح والخطط وحاجات كتير
وفي ايدينا برضه الدعاء ليهم
غير انه في ايدينا ان احنا نطور من نفسينا ونخلي بالنا من تعليمنا وصحتنا ونتعلم حاجات كتير فربما مسكنا منصب كبير فيجب أن نتأهل من دلوقتي .

سؤالي هو
هل انت مع أو ضد أن كل مسلم يجب أن يكون داعي للدين الإسلامي ؟
وهل انت بتسعي لذلك ؟

يا جماعة قولنا بلاش نتكلم في السيايسة والنبي عايزين نعيش في حلنا ودي كلها سياسة دوله محدش ليه دعوة بيها

اما بخصوص بقي سؤالك الجديد فأنا اه شايف انك المفروض تدعي لدينك لما تكون انت تصلح بذلك يعني انت مينفعش تدعي لدينك وانت مش داعية اسلامية والمثل بيقول ادي العيش لخبازة زي ما بيقولوا انا مش داعية يبقي من هنا رأيي اني اسيب حكاية الدعوه للدين الاسلامي دي للناس المخصصين ليها

ولكن

انا بقي ممكن ادعي الناس المسلمين الي مش بيصلوا ( مسلم يعني بلاسم بس ) انه يلتزم في صلاته اعلمه حاجة في الدين انا عارفها هو بيعملها غلط مثلا قبل كدة حصلي موقف ان فيه لعيب كورة جه معانا الفرقة وطلب من الكابتن انه عايز يسلم هو من نيجيريا الكابتن اتصل بحد يعرفه متخصص في دعايه الناس الراجل قاله سيبه برحته لحد لما يقتنع تماما وكان دوري في الحكاية دي بعد بقي هو ما اقتنع طلب مني انا واصحابي نعلمه الصلاه ونحفظة القرأن ونعلمه العربي وبقي مسلم

يارب يكون كلامي وصلك

وسؤالي هو هل انت مع او ضد

حكايه فصل المدرسة في اعدادي ولاد وبنات لسنة واحدة فقط ؟؟؟؟؟؟

مش عارف بصراحة ايه الكمياء الي في السنة الواحدة ؟؟؟

انا رأيي انك مينفعش تعلم ناس لمدة 11 سنة بطريقة وترجع تغيرها دة رأيي الشخصي

أنا ضد فصل الولاد والبنات
احنا أساسا مجتمع بنات وولاد فلازم تبقي مدرستنا ماشية طبيعي زي باقي حياتنا .

ماعنديش سؤال !!!

فعلان معاكي كل الحق في كلامكح وانا معاكي

طب انا هسأل مدام انتي مش عندك سؤال

وسؤالي هو هل انت مع او ضد ؟؟؟ الغاء التورماي ؟؟