بمناسبة الفلانتين خش وشوف جاااامد جدا
[color=darkred][/coloالحب مالى البلد ايه ده
سالخييييير عليكم جميعا
ازيكوا عاملين ايه
محتار انا محتار ماهى بصراحة حاجه تخلى الواحد مذبهل
وقع تحت ايدى مقطع لراجل بيقول كلام ف الجون .. الكلام كان كالاتى
يا اخوانا انتوا مش ملاحظين ان الكلام العاطفى والتعبيرات الرومانسية زادت اوى اليومين دول !! لا دى رطرطت
حبيب قلبى .. روحى .. قمرى .. نور عينى .. واحشنى يا غالى .. والنعمة الشريفة بموت فيك
الكلام الحلو ده كله مكانش ف قاموسنا اليومى قبل كده .. والكلام ده مش بس بيقوله راجل لست او ست لراجل لا لا لا
ده ممكن يتقال من راجل لراجل ومن ست لست واى حد تقابله يقوم رازعك طقم حنيه كده والدنيا بقت زى الفل
الغريب بقا ان جو الحب دا جاى ف وقت الحب فيه انتهى تماما والناس مش طايقة بعضها
بس يرجع الفضل ف كده للتكنولوجيا والموبايلات اللى وفرت كتير علينا ف الحب
دلوقتى بتجيب رسالة جاهزة ولا تكتب ولا توجع دماغك واول ما تعمل send كده شكرا يا معلم وليلتك جميله
الفرق بين حب زمان وحب دلوقت بقا واضح جدا
زمان كنت تلاقى مثلا عبد الحليم حافظ ولبنى عبد العزيز ف فيلم الوسادة الخالية بتقوله ف المكالمه " اقفل بقا يا صلاح "
لا وبتقولها بشكل يدوخ " سلاح " كده يعنى .. لدرجة انى اتمنيت يكون اسمى صلاح بسبب كلمتها دى
دا الاحساس وصلى انا وانا بتفرج ما بالكوا صلاح كان عامل ايه ف الفيلم .. يا نهار احمر
دلوقتى بقا مكالمات الحب بقت موضة .. تقعد تحب ف واحده وف اخر المكامله تقولك " يلا باى " ايه يلا باى دى
ولا تقولك " سى يو " هو ايه اللى سى يو
ولا الموضة اللى ماشية بقا بشكل كبير >> تلاقى الانسة اللى بتكلمك بعد 3 ساعات هزار وضحك وكلام قبيح من اللى قلبك يحبه
تقوم قايلاك " لا اله الا الله " تقوم انت ترد تقول محمد رسول الله ( عليه افضل الصلاة والسلام )
طبعا ذكر ربنا والنبى عليه الصلاة والسلام شئ جميل وشئ كويس جدا .. بس ايه موقعها فى وسط المكالمه هنا
الواحد بقا بيشوف حاجات عجيبه
ومش بس كده دلوقتى عشان تبقى مثقف ومتحضر ولك ف اللغات تقولك " تيك كييير بيبى "
تيك كير !!! اتيك كير من ايه هو انا مسافر الصومال
لا فعلا الناس بقت بتحب باستفاضة والحب كتر والدنيا بخير يا جماعه
حب حب حب تروح اى مكان حب حب كافيه حب سينما حب حتى ف الشارع حب حب حب
يا رب شوية كراهيه بقا ده الحب مالى البلد ( صاروخ باينة بيتريق)
بس على فكرة انا بحبكوا جدا بحبكوا كلكوا و بتوحشونى جدا خلوا بالكوا من نفسكوا
وتيك كير بقا .. يلا سى يو .. لا اله الا الله
فل عليكوا ...
r]